Stjórn
Stjórnin skal samanstanda af sex meðlimum sem eru kosnir á aðalfundi félagsins til tveggja ára. Þegar stjórn er valin skal hún endurspegla sjávarútvegsgeirann eins og kostur er. Stjórnin skal hafa fulltrúa frá þjónustufyrirtækjum, opinberum stofnunum, samtökum, markaðsfyrirtækjum og tvo frá sjávarútvegsfyrirtækjum. Hvert ár skal helmingur stjórnarinnar, þrír stjórnarmenn, láta af störfum og nýir þrír kjörnir í þeirra stað. Ef Sjávarútvegsráðstefnan er ekki haldin á einhverju ári, má stjórnarmaður sitja lengur en venjulega til að undirbúa tvær ráðstefnur.
Stjórnin ber ábyrgð á rekstri félagsins milli hluthafafunda og verndar hagsmuni þess. Félagið er bundið við undirskrift meirihluta stjórnar eða tveggja stjórnarmanna ásamt formanni. Stjórnin skal funda að lágmarki tvisvar á ári og má nota fjarskiptatækni til fundarhalda, þar sem sömu reglur gilda og fyrir hefðbundna fundi.
Faghópar skulu starfa til að veita stjórn Sjávarútvegsráðstefnunnar aðstoð við val á efni og framkvæmd málstofa. Stjórnin skipar meðlimi í faghópa og skal stefnt að því að a.m.k. einn stjórnarmaður Sjávarútvegsráðstefnunnar sé í hverjum faghópi.
Stjórn ráðstefnunnar 2026 skipa þau Anna Kristín Daníelsdóttir, Benedikt Bergmann Arason, Friðrik Friðriksson, Jóna Brynja Birkisdóttir, Jón Örn Stefánsson og Karl Hjálmarsson.
Anna Kristín Daníelsdóttir er aðstoðarforstjóri og rannsókna- & nýsköpunarstjóri Matís ohf. Hún leiðir faghóp ráðstefnunnar sem undirbýr málstofur um stefnumótun, rannsóknir og umhverfismál í sjávarútvegi.
Benedikt Bergmann Arason er “industry sales manager” hjá JBT Marel. Hann leiðir faghópinn sem undirbýr málstofur um sölu, markaðssetningu og dreifingu á vörum og þjónustu sjávarútvegsins.
Friðrik Friðriksson er lögmaður hjá Brim hf og leiðir faghópinn sem undirbýr málstofur um auðlindina, nýtingu hennar og veiðar.
Jóna Brynja Birkisdóttir er sjávarútvegsfræðingur og starfar hjá félagi skipstjórnarmanna. Hún leiðir faghóp ráðstefnunnar um mannauð, samskipti og rekstur í sjávarútvegi.
Jón Örn Stefánsson er gæðastjóri hjá Dögun og leiðir faghóp ráðstefnunnar um vinnslu sjávarafurða.
Karl Hjálmarsson (Karl Hjálmarsson | LinkedIn) er markaðsstjóri hjá Iceland Seafood. Hann leiðir undirbúning opnunarmálstofunnar og er jafnframt formaður stjórnar.