Nú er hægt að sækja Ráðstefnuhefti Sjávarútvegsráðstefnunnar 2018 á vef félagsins. Í ráðstefnuheftinu er að finna dagskrá, lýsingu á málstofum og erindum, framúrstefnuhugmyndum og fyrri ráðstefnum. Athugið að ráðstefnuheftið er 13 MB og getur því tekið allnokkurn tíma að niðurhala því.

Málstofur
Á Sjávarútvegsráðstefnunni 2018 verða 16 málstofur og hafa aldrei veið fleiri og í þeim verða flutt um 80 erindi. Viðfangsefnin eru fjölmörg en markaðsmál eru áberandi á Sjávarútvegsráðstefnunni 2018.

Nýjungar
Af nýjungum á Sjávarútvegsráðstefnunni 2018 má nefna sérstaka nemendamálstofu og Hraðstefnumót: Samtal forsvarsmanna í sjávarútvegi og nema.

Framúrstefnuhugmyndir
Að þessu sinni eru aðeins 5 framúrstefnuhugmyndir kynntar í Ráðstefnuhefti Sjávarútvegsráðstefnunnar, en þær eru:

  • Ekko toghlerar
  • Shark Spirit
  • Caligo Sapo Fjölþokukerfi
  • Kristjánsbúrið
  • SC pro

Þrjár af þessum hugmyndum fá verðlaun og verða kynntar sérstaklega á ráðstefnunni.