10 ára afmæli

Í tilefni af tíu ára afmæli Sjávarútvegsráðstefnunnar hefur verið lagt meira í hönnun kynningarefnis og kynningu á Sjávarútvegsráðstefnunni 2019 en áður hefur verið gert.  Hvíta húsið hefur hannað allt kynningarefni Sjávarútvegsráðstefnunnar 2019.

Dagskrá ráðstefnunnar

Það er búið að endurbæta verulega vefsíðu Sjávarútvegsráðstefnunnar með það að markmiði að gera hana notendavænlegri fyrir farsíma.  Dagskráin er á vefsíðunni þar sem er að finna lýsingu á öllum málstofum, mynd af umsjónarmanni málstofu, málstofustjóra og fyrirlesurum.  Jafnframt er stutt lýsingu á einstökum erindum. 

Ráðstefnuhefti Sjávarútvegsráðstefnunnar 2019

Ráðstefnuheftið er með öðru sniði en á undanförnum árum. Farið var þá leið að stytta ráðstefnuheftið og vera með meira af upplýsingum á vef félagsins undir liðnum dagskráin.  Það er von okkar að þessi breyting falli í góðan jarðveg. Morgunblaðið sá um prentun og dreifingu á ráðstefnuheftinu á höfuðborgarsvæðinu. Jafnframt var prentuðu eintaki dreift á ráðstefnunni.  Hægt er að sækja ráðstefnuhefti Sjávarútvegsráðstefnunnar 2019 HÉR.

Tilnefningar til Hvatningarverðlaunar Sjávarútvegsráðstefnunnar og TM

Þrjú fyrirtæki voru valin úr hópi tilnefninga til að hljóta Hvatningarverðlaun Sjávarútvegsráðstefnunnar og TM árið 2019. 
Niceland Seafood: fyrir nýstárlegar leiðir í að bjóða upp á ferskan, íslenskan fisk með rekjanleikalausn sem sýnir neytendanum hvernig fiskurinn ferðast frá veiðum í verslanir/veitingarhús.
Codland: fyrir framtak sem mun skapa verðmæti og atvinnu og tryggja þá ímynd enn fastar í sessi sem einkennt hefur íslenskan sjávarútveg um aukna nýtingu á hráefni til verðmætasköpunar.
Sjávarklasinn: fyrir stuðning við nýsköpun og samvinnu hinna ýmsu aðila innanlands og utan. Mikill fókus hefur verið á sjálfbærni og hafa verkefnin stuðlað að auknu samstarfi fyrirtækja, menntastofnanna og ríkisstofnanna.

Lesa meira

Kynningarefni frá N4

N4 hefur gert þrjú stutt myndskeið sem hafa verið kynnt á samfélagsmiðlum. Jafnframt útbjó N4 tæplega 30 mínútna þátt um Sjávarútvegsráðstefnuna 2019 sem sem sýndur hefur verið á N4 sjónvarp.

• Viðtal við Guðrúnu Arndísi Jónsdóttir, umsjónarmann málstofunnar ,,Kynning á nemendaverkefnum úr sjávarútvegstengdu námi”.
• Viðtal við Hafstein Helgason og Þorstein Sigurðsson
• Hvatningarverðlaun Sjávarútvegsráðstefnunnar og TM – Viðtal við Hólmfríði Sveinsdóttir
• Þáttur á N4 um Sjávarútvegsráðstefnuna 2019