VERÐLAUN

Tryggingarmiðstöðin styrkir Framúrstefnuhugmynd Sjávarútvegsráðstefnunnar

Ert þú með framúrstefnuhugmynd til að efla íslenskan sjávarútveg og tengdar atvinnugreinar?

Framúrstefnuhugmynd Sjávarútvegsráðstefnunnar

Sjávarútvegsráðstefnan kallar eftir framúrstefnulegum nýsköpunarhugmyndum, sem veita á viðurkenningu fyrir á næstu ráðstefnu vettvangsins.

Hverjir geta sótt um?

Einstaklingar og/eða fyrirtæki geta sent inn hugmyndir eða tilnefnt aðra. Hugmyndin getur verið á frumstigi, eða byggð á nýjungum í framleiðslu, þjónustu eða vöru, rannsóknarverkefni sem unnið er að og/eða nemendaverkefni. Með sjávarútvegi og tengdum atvinnugreinum er átt við veiðar, eldi, frumvinnslu, framhaldsvinnslu, líftækni, sölu og markaðssetningu, þjónustu, rannsóknir, þróun og fræðslu.

Það sem þarf að hafa í huga

Framúrstefnuhugmynd skal setja fram á hnitmiðaðan hátt þar sem fram kemur lýsing á hugmynd, tillaga að framkvæmd, væntanlegur afrakstur og áhrif til góðs fyrir ímynd íslenskra afurða (hámark 2 bls). Allir geta sent innhugmyndir en þær þurfa að uppfylla eftirfarandi skilyrði:

  • Hugmyndin er framúrstefnuleg
  • Hugmyndin er raunhæf
  • Hugmyndiner framsækin og virðisaukandi
  • Hugmyndin skapi umræðugrundvöll eða nýja hugsun

Tímafrestur og eyðublað

Frestur til að skila inn umsóknum er 10. október.

Hægt er að nota eyðublað sem er að finna HÉR eða það sem hentar í hverju tilviki.

Hvert á að senda hugmyndina?

Eingöngu er gert ráð fyrir að frammúrstefnuhugmyndin verði send inn rafrænt. Sendið hugmyndina sem viðhengi (word eða pdf skjal) á tölvupóstfangið valdimar@sjavarutvegur.is Bíðið eftir staðfestingu um móttöku og ef hún berst ekki innan sólahrings, hringið þá í síma 695 2269.

Mat á hugmynd

Við mat á hugmyndum verður m.a. litið til eftirfarandi þátta: Frumleika, virðisauka, sjálfbærni, og ímyndar landsins eða greinarinnar út á við.

Í matsnefnd sitja: Ásgeir Ingvi Jónsson, Guðrún Ólafsdóttir, Hjálmar Sigurþórsson, Jónas R. Viðarsson og Karl Már Einarsson.

Verðlaun og kynning

  • Veitt verður verðlaunafé að upphæð kr. 500 þús.
  • Þrjár bestuhugmyndirnar fá kynningu og sérstaka viðurkenningu á Sjávarútvegsráðstefnunni.
  • Þjár bestu hugmyndirnar fá sýningarbása á ráðstefnunni til að kynna sínar hugmyndir.
  • Fleiri hugmyndirnar fá síðan sérstaka kynningu í veglegu ráðstefnuhefti Sjávarútvegsráðstefnunnar.
  • 10 bestu hugmyndasmiðirnir fá frítt fyrir einn á ráðstefnuna.

Svifaldan

Svifaldan – Framúrstefnuverðlaun Sjávarútvegsráðstefnunnar

Framúrstefnuhugmyndir Sjávarútvegsráðstefnunnar